نرحب بك اخي الزائر ندعوك للتسجيل وان تصبح احد اسرة منتدى امراءالجبل لعلك تكون احد اعضائه البارزين الدائمين
وننتضر بوح قلمك وابداع فكرك



 
الرئيسيةالتسجيلدخول
اعوذ بالله من الشيطان الرجيم {اَللَهُ لا إِلَهَ إلا هو اَلحي ُ القَيَوم لا تأخذه سِنَةٌ ولا نوْمٌ لَّهُ مَا فيِِ السَمَاوَاتِ وَمَا في اَلأَرْضِ مَن ذَا الَّذِي يَشفَعُ عِنْدَهُ إِلاَّ بِإِذْنِهِ يَعْلَمُ مَا بَينَ أَيدِيهِمْ ِوَمَا خَلْفَهم وَلا َيُحِيطُونَ بشَيءٍ مِنْ علمِهِ إِلاَ بِمَا شَآء وَسعَ كُرْسِيُّهُ السَمَاوَاتِ وَالأَرضِ وَلاَ يَؤُدُه حِفْظُهُمَا وَهُوَ العَليُّ العَظِيمُ}

شاطر | 
 

 شيناه يا قط لرحام (احمد ارميلة

اذهب الى الأسفل 
كاتب الموضوعرسالة
العمدة


avatar

عدد المساهمات : 113
تاريخ التسجيل : 30/06/2010
العمر : 33

مُساهمةموضوع: شيناه يا قط لرحام (احمد ارميلة   الخميس يوليو 01, 2010 7:00 am

شيناه ياقطع الارحام

شيناه ياقطع الارحام .. اتباعد الناس القرايب
تلقاهم ضنا عم واسلام .. وبينهم اتزيد الغبايب
بعدوات م العام للعام .. عمارهم فنوهن قلايب
اتقول عندهم غيب ليام .. مضمون من جميع الشوايب
مايطولهم جور الايام .. ولا النار يو الحسايب
امنين الجمر تحت الاقدام .. يبقى اتقول قطران ذايب
مكان تنحشر فيه الاقوام .. سماه وصف دخان ثايب
مايمتسك سام في حام .. ولاعبيد عن زيد نايب
ايغيرن علي كل نمام .. حيات ياخنه نهايب
والطايعين لله ف انعام .. وثمار طيبات الهبايب
امثال جابهن فكر كلاّم .. كبير سن لله تايب
راه الدم ف الدم عشام .. وراه ادعا المظلوم صايب
سكين تنغرس بين الاكمام .. رقيق شفر مسنون طايب
وراه البطّر سيل هدام .. من الناس دوم لاتعاف هايب
كمين صف له طبل واعلام .. جلاّهم وراحوا ذهايب
سابقينا غير مادام .. دلالهم سنين العجايب
بين ريح وتراب ردام .. القينا اديارهم خرايب
قديم الدهر هك برام .. مع الزين الشين خايب
بلا مواخذه نقد الاكرام .. خلا العقل حاضر وغايب
فلات يحدرن مرط واجمام .. ادموعي عليهم سكايب
ونحوس وينما جيت لوهام .. منازل اسماح الدرايب
ركابين مرفوع الاسوام .. الوافر سليم النجايب
ان كان سامر النار مانام .. ايجيب الطوارف هذايب
امعاك يوقفوا كيف تنضام .. الاجواد هم جمال الصلايب
اصحاب نقب مشهور لمام .. للجالي قليل الحبايب
ينال بينهم طيب الاحلام .. بعيد من هضيب الهضايب
مايخاف ياذيه ذمام .. ايطول فيه بسوال سايب
نزيل ناس هل شيخ لازام .. شديد عزم ينهى العايب
ونجاه واسطة خير يلتام .. ايوازي اكبار المصايب
ايفوت عظم مكسور دمام .. ومازال تحت العصايب
وتبات كلمته قيد ولجام .. للي كلامهم موش رايب
يملوا ابطونهم عيش ويدام .. ويجارحوك بدنا سبايب
لايعرفوا روس الاقلام .. ولا يكبرّوا شيب شايب
علي حكم الاخلاق بعدام .. ملوا م الدراهم حقايب
ولكن بعد جر الارمام .. ورياهم البيض العكايب*
الساع يصبحوا بور وحطام .. ويسوقّن عليهم ضبايب
وعاد كيف بنيان الاهرام .. من غير الربا والنكايب
قول قال خطاط رسام .. اوصاف ناكرين النسايب
لحاليح وشدوق ورام .. وفواه يطلقن في نشايب
حتى بسطهم زفت الانغام .. خليط من انواع الهزايب
ووجوه هل تثوير وخصام .. ان كان انت هاذين هايب
ناسيين تسكير لنسام .. بلحود وثقات الترايب
ومدانات ثعبان هجام .. اعيونه امعاهن لهايب
ينزل الطير لوحام ماحام .. ايقولن امثال العرايب
مايجيبهن لزم لزام .. اخطاهن اطوال النوايب
مامن غني كان غلاّم .. عليه بارمات الزرايب
يفطم فطامين وفطام .. وبيوته يجوهن جلايب
بين ضيف طرقي وجلام.. وبين من يشيل الزقايب
وحذاه بركّت قدوا رزام .. فراق من اعراض الجنايب
صدام من هواين صيام .. زمازيم ايقة كتايب
علي نجع نزال قدام .. اجبال عاليات العقايب
كان واختفى شبهة افلام .. وغابت امعاه الدرايب
الدايم الباري العلام .. ناشي اثقال السحايب

الرجوع الى أعلى الصفحة اذهب الى الأسفل
اميرة المنتدى


avatar

عدد المساهمات : 177
تاريخ التسجيل : 11/04/2010
الموقع : امراء الجبل

مُساهمةموضوع: رد: شيناه يا قط لرحام (احمد ارميلة   السبت يوليو 10, 2010 10:49 am

شينا ياقطعة الارحام فعلا صدق ارميلا في الوصف الجميل والرائع

شكرا على هذه القصيدة الجميلة والقيمة اخي العمدة

دمت في حفظ الله

تحية عطرة /// اميرة المنتدى




الرجوع الى أعلى الصفحة اذهب الى الأسفل
http://bransisa.cinebb.com
العمدة


avatar

عدد المساهمات : 113
تاريخ التسجيل : 30/06/2010
العمر : 33

مُساهمةموضوع: رد: شيناه يا قط لرحام (احمد ارميلة   السبت يوليو 17, 2010 2:06 am

اميرة المنتدى كتب:
شينا ياقطعة الارحام فعلا صدق ارميلا في الوصف الجميل والرائع

شكرا على هذه القصيدة الجميلة والقيمة اخي العمدة

دمت في حفظ الله

تحية عطرة /// اميرة المنتدى






جلالتكي
اسعدني مروركي ع مشاركتي

تقبلي تحياتي

سعادتكي
الرجوع الى أعلى الصفحة اذهب الى الأسفل
 
شيناه يا قط لرحام (احمد ارميلة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: ¤ّ,¸¸,ّ¤؛°`°؛¤ديوان الشعرالشعبي وغناوي العلم وترثنا العربي ¤؛°`°؛¤ّ,¸¸,ّ¤؛ :: ¨°o.O الشعر الشعــــــــــــــبي اللـــــــــــــــــــــــيبي O.o°"-
انتقل الى: